IFAB яқин орада "Венгер офсайди"ни жорий қилмоқчи эмас
21 янв 13:14
Новости

IFAB яқин орада "Венгер офсайди"ни жорий қилмоқчи эмас

Футбол қоидаларини тартибга солувчи халқаро кенгаш (IFAB) ҳозирча «Арсенал» собиқ устози Арсен Венгер томонидан таклиф этилган офсайд қоидасини оммавий равишда қўллаш фикридан воз кечди.

Бу ҳақда AS нашри хабар бермоқда. Манбанинг ёзишича, ушбу масалани кўриб чиқиш кейинга қолдирилган. Бунга мазкур қоидани синовдан ўтказиш учун қўшимча вақт кераклиги сабаб бўлган. Ҳозирда фақат Канада Премьер-лигаси ушбу тизимни тест қилишга розилик берган.

Янги қоида бўйича якуний тўхтам 28 февраль куни Кардиффда бўлиб ўтадиган IFAB умумий йиғилишида қабул қилинади. Ўшанда бу ғоядан бутунлай воз кечилиши ёки Канададаги синовлар давом эттирилиши эълон қилинади.

Эслатиб ўтамиз, «Венгер офсайди» қоидасига кўра, агар ҳужумчининг танасининг бирор қисми (гол уриши мумкин бўлган аъзоси) ҳимоячи билан бир чизиқда бўлса, ўйинни давом эттиришга рухсат берилади. Яъни, футболчи фақатгина бутун танаси билан охирги ҳимоячидан ўтиб кетсагина, офсайд қайд этилади.

Ссылка :

Источник : As

Получайте новости прямо в Telegram!

Рейтинг: -1