Ҳумоюн Исмоилов: "Ёзёвон-Лочинлари" жамоаси менда яхши таассурот қолдирди"
07 фев 2019 21:01
Новости

Ҳумоюн Исмоилов: "Ёзёвон-Лочинлари" жамоаси менда яхши таассурот қолдирди"

Фарғона вилояти "Ҳоким кубоги" мусобақасининг чорак финали доирасида ўтказилган "Ёзёвон-Лочинлари" - "Шердор" (1:1, пен.бўйича 4:5) учрашувидан сўнг ёзёвонликлар футболчиси Ҳумоюн Исмоилов championat.asia сайтига интервью берди.

"Ёзёвон-Лочинлари" жамоаси таркибига "Ҳоким кубоги" мусобақалари арафасида келиб қўшилдим. Ўзи аввалдан бу жамоа ҳақида эшитиб юрардим. Биласизми, бу жамоа жуда аҳил экан, таркибга келиб қўшилганимнинг биринчи кунидаёқ жамоа аъзолари билан дўстлашиб кетдик. Бу жамоа менда яхши таассурот қолдирди.

Насиб қилса жамоанинг тўлақонли аъзосига айланиб, ғалабаларига ўз ҳиссамни қўшаман деган умиддаман.

Бугун "Шердор" жамоасига қарши қийин ўйин ўтказдик. Биласиз "Шердор" кучли жамоа, таркибида тажрибали футболчилар тўп суради. Биринчи бўлимда бу жамоага қарши муносиб ўйин кўрсатдик деб ўйлайман. Иккинчи бўлим сўнги дақиқаларида гол ўтказиб юбордик. Шу сабаб жамоамизда тушкунлик кайфияти сезилди. Якунда пенальтилар сериясида аламли мағлубиятга учрадик. Бугунги учрашувда жамоамизга омад етишмади деб ўйлайман.

Бекзод Толибов ёзиб олди.

Ссылка :

Источник : championat.asia

Получайте новости прямо в Telegram!

Рейтинг: +2