Ҳужумда ўйнаётган марказий ҳимоячи ҳақида

Европа Лигаси учрашуви доирасидаги учрашув учун асосий таркиблар эълон қилиниб, "Интер" сафида Андреа Раноккья асосий таркибда майдонга тушиши аниқ бўлгач, бу ижтимоий тармоқларда кенг муҳокамага сабаб бўлди.

Кўпчилик: у ҳимояда ўйнайдими, ёки ҳужумдаги дея хазилона саволларни қолдиришди. Бунинг сабаби, "Болонья"га қарши ўйинда Лучано Спаллетти Раноккьяни учрашув охирида 12 дақиқага, ҳужум чизиғига туширди. Маълумот учун, "Интер" ўша ўйинда барибир мағлуб бўлди - 0:1.    

"Рапид"га қарши ўйинда Андреа одатдаги позицияси - марказий ҳимояда ҳаракат қилди, лекин унга деярли иш бўлмади. Австрияликлар бор йўғи тўрт бор зарба берди, "Интер" эса - 11та. Уларнинг иккитасини Раноккья, биттаси аниқ – гол.

Собиқ сардор Мауро Икарди трибунада ўйинни томоша қилиб ўтирган вақтда, бошқа бир собиқ сардор жарима майдони ташқарисидан ажойиб зарба билан гол уришга муваффақ бўлди. Спаллетти хурсанд, Раноккья эса худди "Интер"га Чемпионлар Лигаси финалида ғалаба келтирувчи голни ургандек хурсанд эди.

"Мен – "Интерчи" ва профессионалман. Фақатгина шундай ҳолатда муваффақиятга эришиш мумкин. "Интерчи" бўлиб туғиладилар, улар кўп қийинчиликларга дучор бўладилар, аммо жамоа ғалаба қозонганда, барча қийинчилик, азоблар ўрнини босиб кетадиган ажойиб туйғуни хис этадилар. Уни сўз билан ифодалашнинг имкони йўқ".

Ким билади дейсиз, балки "нерадзурри"га айнан шундай сардор керакдир.


Нозима Зарипова таржимаси