Ҳикмат Эргашев: “15 дақиқа ичида иккита тўп фарқи билан орқада қолиш йигитларнинг руҳиятига қаттиқ таъсир этди”
27 апр 2019 11:09
Новости

Ҳикмат Эргашев: “15 дақиқа ичида иккита тўп фарқи билан орқада қолиш йигитларнинг руҳиятига қаттиқ таъсир этди”

Суперлига 6-туридан ўрин олган "Насаф" - АГМК (4:0) учрашувидан сўнг олмалиқликлар устози Ҳикмат Эргашев беллашув ҳақидаги ўз фикрларини билдириб ўтди.

"Насаф" жамоасини ғалаба билан табриклайман. Улар шаклланган жамоа ва уларда яхши футбол мактаби бор. Биз эса янги жамоа тузганмиз ва ҳали улар бир-бирлари билан киришиб кета олишмаяпти. "Бунёдкор" жамоаси билан ўйинда ҳам хатолар бўлди.

15 дақиқа ичида иккита тўп фарқи билан орқада қолиш - йигитлар руҳиятига қаттиқ таъсир этди. Бугунги ўйин учун мухлислардан узр сўраймиз.

Ўйлашимча, АГМК жамоасига характер етишмади. Жамоамиз мураббийи таъкидлаганидек, жамоани ўзи билан эргаштира оладиган етакчи футболчи йўқ. Зафар Полвонов шамоллаб қолгани боис бугун майдонга туша олмади. ", - деди Ҳикмат Эргашев.