RU

Последние новости

01:50"Ал Ҳилол"нинг собиқ бош мураббийи "Ал Насср"ни бошқаришга рози бўлди  4 00:54Расман: Поль Погба - "Монако" футболчиси!  2 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  1 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  5 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  18 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  7 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  4 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  72 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  68

Ҳар ерни қилма орзу... Новости

Ҳар ерни қилма орзу...

Теги :  ОФКУЕФА
Халқимизда ажойиб нақл бор: Ҳар ерни қилма орзу, ҳар ерда бор тош-тарозу.

Бугун эрталаб сайтимизда хабар чиқди: "Қозоғистон 15та ўйиндан бери ғалаба қозона олмаяпти". Кеча тунда ён қўшниларимиз Франция билан ўйинда 0:8 ҳисобида мағлуб бўлишди. Мбаппе покер қайд этган баҳсда французлар умуман қаршиликка дуч келмади. Уларнинг ҳар бир ҳужуми гол билан якунланди. 

Шу ўйин билан Қозоғистоннинг ЖЧ-2022 саралашдаги юриши тугади. Жамоа гуруҳ баҳсларини атиги 3 очко билан охирги ўринда тугатди. 8 ўйин, 3 дуранг ва 5 мағлубият. Ғалаба йўқ. Тўплар нисбати 5-20. 

Қозоғистон терма жамоасининг УЕФАга ўтганига анча бўлди. Лекин Европага кетганидан бери ҳеч "кўкармай" қўйди. Чунки у ерда кучлилар кўп-да. Қозоғистон Осиёда эканлигида Олимпиадага ҳам, Жаҳон чемпионатига ҳам чиқиши мумкин эди. Аммо УЕФА - бу ўзга дунё. Айтишингиз мумкин, улар ЖЧга чиқмагани билан доим кучлилар билан ўйнаяпти. Ҳа, ўйнаяпти, лекин ҳадеб ютқазаверса бу нима беради? 

Энди тасаввур қиляпсизми, агар Ўзбекистон УЕФАга ўтса нима бўлишини. Балки баҳслашингиз мумкин, лекин мен Қозоғистон терма жамоасини Ўзбекистондан кучли деб биламан. Айниқса ҳозирги терма жамоамиздан улар яққол устун, гарчи Франциядан 8та гол "еган" бўлса ҳам. Қозоғистон ОФКда эканлигида уларнинг ҳар бир ёшдаги терма жамоаси бизни мағлуб этган.

Ёки бўлмаса сентябрь ойидан бери фақат Европа жамоалари билан ўйнаб келаётган Қатарни олайлик. Осиё Кубогининг амалдаги соҳиби ўтган йил Копа Америкада қатнашганди, бу йил Gold Cup мусобақасида иштирок этди. Энди бўлса Европа жамоалари билан ўртоқлик учрашуви ташкил қиляпти. Қатар  Европада 6та ўйин ўтказиб, шундан 5тасида мағлуб бўлди. Тўплар нисбати 2-19. Кўряпсизми, Қатар 6 ўйинда атиги 2та гол уриб, ўз дарвозасидан 19 бор тўп олиб чиққан. Кеча Сербия иккинчи бор қатарликларни 4:0 ҳисобида мағлуб этди.

Албатта, бу ўртоқлик ўйинлари Қатарга фойда бериши мумкин, лекин ҳар ўйинда 3-4талаб гол ўтказаверса, бош мураббий футболчиларни руҳлантириш учун сўз топа олармикин. Ҳамма гап шунда.

Охирги пайтларда бизда ҳам УЕФАга ўтишимиз керак, ОФКда "нон" йўқ каби гаплар яна янграб қолди. Лекин ўйлаб кўрайлик, футбол ривожини хоҳласак, албатта УЕФАга боришимиз шарт эмас. Яхши тизим ва дастурга эга бўлиб, ОФКда ҳам ривожланса бўлади. Мана,  Япония, Жанубий Корея, Эрон ёки Саудия Арабистони бунинг уддасидан чиқяпти-ку.

Қолаверса УЕФА бизни асло қучоқ очиб кутиб олмайди, бунга реал қарайлик. Мен эса терма жамоамизни Европага бориб, Гибралтар даражасига тушиб қолишини хоҳламайман. 

Автор : Xayrulla Xoliqov
Рейтинг: +9   

Комментарии

championat.asia
< посмотреть последние новости
Яндекс.Метрика