Ҳамиджон Актамов: «Бугун 2 очко йўқотдик»

“Бугун мухлисларга ёқадиган ўйин бўлди. Шахсан менга бугунги баҳс, жуда ҳам маъқул келди. Жамоамизда кўплаб қулай имкониятлар бўлди. Лекин улардан унумли фойдаланишда бироз омадимиз келмади. Агар вазиятлардан фойдаланганимизда, уйга 3 очко билан қайтган бўлардик. Тўғриси, «Насаф» жамоасига ҳамиша ҳавас кўзи билан қараганман. Ушбу клубнинг инфратузилмаси, ёшлардан иборат жамоаси кўрсатадиган ўйин менга жуда ёқади. Бугун икки жамоа ҳам тенг ўйин намойиш этди ва якунда дўстлик ғалаба қозонди. Шогирдларим мен берган вазифани 100 фоизга беажаришга ҳаракат қилди. Бугун 2 очко йўқотдик деб ўйлайман. Охирги ўйинлардаги кўрсатаётган натижаларимизга қарамасдан ҳали кўп ишлашимиз зарур. Хуршид Олимов секин аста ўйиндан-ўйинга мослашиб, асосий таркибда ўзининг ўрнини топиб бормоқда. Мавсум аввалидаги «Насаф» билан ўтказилган ўртоқлик ўйинлари билан расмий ўйинни солиштириб бўлмайди. Ариагнер Смит Медина ҳали минтақамизга мослашиб кета олмади. «Қизилқум» суперлиганинг энг ёши катта жамоаси эмас. Бу эски маълумот”, – дея сўзларини якунлаган мураббий.