Гвардиола Стерлинг билан шартномани узайтириш тарафдори. У вингерни "Ман Сити"да сақлаб қолмоқчи

"Шаҳарликлар" бош мураббийи Англия терма жамоаси вингери билан шартномани узайтиришга рухсат берди.

Пеп музокараларда иштирок этмаяпти - бу иш билан клуб ва 27 ёшли футболчининг агентлари шуғулланади, - аммо у Рахимни жамоада сақлаб қолишни хоҳларди.

Томонлар музокараларни давом эттиришмоқда. "Ман Сити" масалани тезроқ ҳал қилмоқчи, сабаби Стерлингнинг шартномаси 2023 йилнинг ёзида якунига етади.

Олдинроқ хабар берилганидек, "Сити" Стерлинг билан шартномани узайтирмаса, уни сотиши мумкинлиги айтилган эди. Клуб 50 млн фунтдан кўпроқ олмоқчи.

Стерлинг жорий мавсум АПЛ доирасидаги 22та ўйинда майдонга тушиб, 10та гол уришга эришди.