Гризманн икки йилда илк бор жароҳат олди. "Атлетико" форварди "Интер" билан ўйингача тикланмоқчи

Ҳужумчи ўйиннинг 78-дақиқасида мажбуран майдонни тарк этди.

"Атлетико" бугун Гризманнга товон боғламасининг ўрта даражадаги чўзилиши ташҳиси қўйилганини хабар қилди.

Relevo'нинг ёзишича, француз меҳмонда "Атлетик" (илк ўйин – 0:1)га Испания кубоги ярим финал жавоб ўйинини ўтказиб юбориши аниқ.

Гризманн 13 мартда бўлиб ўтган "Интер"га қарши жавоб ўйинигача тикланмоқчи. Тест натижалари буни иложсиз эмаслигини кўрсатяпти, аммо "Атлетико" эҳтиёткорликни сақлаб турибди.

Қайд этиш керакки, Гризманнда икки йил давомида жароҳат бўлмаганди (2022 йилнинг январидан бери). У ўшанда мушак жароҳати сабаб бир ярим ойни ўтказиб юборган.

32 ёшли форвард жорий мавсум "Атлетико" сафида 36та ўйинда майдонга тушиб, 18та гол ва 7та ассист қайд этди.