RU

Последние новости

07:00"Бургутлар" ОЧЛ-2да юришини бошлади. "Аркадағ" - "Андижон" учрашувидан галерея   0 02:44ОЧЛ 2. Роналдусиз "Ал Насср" Тожикистоннинг "Истиқлол" клубига жавобсиз бешта гол урди  3 02:38Туркия. Шомуродов ассист берган ўйинда "Истанбул Башакшеҳир" "Фотиҳ Карагюмрук"ни мағлубиятга учратди  1 02:05ЕЧЛ. "Бавария" Мюнхенда "Челси"ни мағлубиятга учратди  18 02:05ЕЧЛ. "Ливерпуль" охирги дақиқалардаги гол эвазига камбэк қилаёзган "Атлетико"ни таслим этди. ПСЖ ва "Интер" ўз ўйинларида ғалаба қозонишди  28 00:53"Реал"нинг Хёйсенни четлатилиши бўйича берган апелляцияси рад этилди  0 00:30ОЧЛ-2. "Аркадағ" - "Андижон" 0:0  3 23:54ОЧЛ 2. Эроннинг "Истиқлол" клуби "Ал Васл"га ўта йирик ҳисобда мағлуб бўлди. Ўзбек футболчилари қайдномада йўқ эди  3 22:53ОЧЛ 2. "Андижон"нинг гуруҳидаги иккинчи ўйинда ҳам дуранг қайд этилди  23 22:32Тақиқланган модда Мудрикнинг қонига терма жамоа йиғини пайт тушгани маълум бўлди  0 22:02Анри "Арсенал" ҳақида: "Уларда деярли иккита жамоа мавжуд. Бу йил албатта бирор нарса ютиш шарт"  3 21:10Хейсен «Сосьедад»га қарши ўйиндаги ўз четлатишини ВАР бекор қилиши керак эди деб ҳисоблайди  6 20:38ОЧЛ-2. "Андижон" меҳмонда "Аркадағ" билан дуранг ўйнади  128 19:36Гвардиола «Ман Сити»ни ЧЛда ғолибликка даъвогар деб ҳисобламайди: «Аниқ йўқ. Фақат лаҳзалардан роҳатланиб, бу ерда бўлганимиздан хурсандмиз»  6 18:31Собиқ ҳакам Буррул «Реал»нинг иккинчи пенальтиси ҳақида: «Нотўғри белгиланган. Ўйинчи йиқилди, қўл ҳаракати табиий»  35

Григорий Колосовский: "Олимпик-Mobiuz" қандай футбол ўйнаш кераклигини кўрсатиб қўйди" Новости

Григорий Колосовский: "Олимпик-Mobiuz" қандай футбол ўйнаш кераклигини кўрсатиб қўйди"

Про-лиганинг 4-тури доирасида "Олимпик-Mobiuz"дан учралган мағлубиятдан кейин "Локомотив" бош мураббийи Григорий Колосовский матбуот анжуманида қатнашди.

Ўйин ҳақида

- Рақибни ҳақли ғалаба билан табриклайман. Улар қандай футбол ўйнаш, тўп учун қандай курашиш кераклигини кўрсатди. Бу мағлубиятда мураббийлар штабининг айби катта. Биз ҳар бир тўп учун курашиш кераклигини, майдонга тушгандан кейин ҳеч ким уч очкони шунчаки совға қилиб юбормаслигини яхши уқтира олмаганмиз. Ушбу лигада барча жамоалар бизга рақобат қилиш учун ҳаракат қиляпти. Комбинацияли футбол ва узун паслар орқали ўйин ўртасида адашиб қолдик ва фақатгина қанотдан узатмалар билан тўхтаб қолдик. Ўйинимиз ўхшамади. Пенальтидан гол ура олмадик ва қарши ҳужумни ўтказиб юбордик. Марказий ҳимояда қўпол хатога йўл қўйдик, рақибнинг дарвозабонимиз билан бирга-бир ҳолатга чиқиб беришига ва пенальти ишлашига йўл қўйдик. Ўша муаммо панд берди: вазиятлар ярата олдик, бироқ гол ура олмадик. Ҳатто ўтказиб юборилган голдан кейин ҳам биз ҳисобни тенглаштиришимиз, балки, ғалаба голини уришга етарлича вазият яратдик. Биз жуда ёмон ўйнадик. Рақиблар қандай курашиш кераклигини кўрсатишди. Буни рад этиб бўлмайди. Ғалаба биздан кўра уларга муносиброқ эди. 


- Бунга қадар матбуот анжуманида сиз "Локомотив" фақатгина қоғозда фаворит эканлигини айтгандингиз.

- Ҳа, исталган жамоа майдонга тушиб, курашяпти. Ўзидан яхши таассурот қолдиришни истамоқда. Йигитлар ёш, барча ҳаракат қиляпти, қаердадир кимлардир ажралиб турибди. Ҳатто дарвозабонимизга бир неча марта жароҳат етказишди. Футболчиларимиз барчаси осон ўтиб кетади деб ўйлашганди. Бироқ бундай эмас. Натижа адолатли. "Олимпик-Mobiuz" ғалабани ҳақли тарзда қўлга киритди. 

- Урилмаган пенальти ҳақида нима дея оласиз?

- Пенальти лотерея каби бир гап. Гол ура олмадик. Дарвозабон бошқа бурчакка сакради, тўп эса бошқа томонга кетди. Бу исталган футболчи билан содир бўлиши мумкин. Ҳозирги пайтда Шулая пенальтини тепиши керак, у шунчаки гол ура олмади. Шу пенальтидан кейин биз қарши ҳужумда қўпол хато қилдик, кейин пенальтидан гол қўйиб юбордик. Бугун ҳимоячиларимиз қониқарсиз ўйин кўрсатишди.

- Бугун "Локомотив"нинг чап қанот ҳимоясида катта муаммо борлигини кўрдик. Хосров Хананов нега ўйинда иштирок этмади ва Иброҳим Йўлдошевнинг ҳолати қанақа?

- Иброҳим Йўлдошев икки ўйин олдин жароҳат олди. Ҳали у тайёр эмас. Хосров эса оилавий сабаб туфайли учрашувда қатнаша олмади. Козакка яна бир имконият бергандик, бироқ у имкониятдан фойдалана олмади. Ўнг қанотимиздан кўп ҳужумлар уюштираётган бўлсак, чап қанотимизда муаммолар катта. Бу қанотдан жуда кам узатмаларимиз ўтмоқда. Чап қанотдаги ўйинимиз сифатини, ҳужумкорлигини ошириш устида ишлаймиз. Чунки ўнг қанотдан биз кўпроқ вазиятлар яратмоқдамиз.

Рейтинг: -3   

Комментарии

championat.asia
< посмотреть последние новости
Яндекс.Метрика