Голландлар Дел Боске кемасининг елканларини тушириб юборишди

Ўйиндан олдин испанларнинг имконияти юқорироқ баҳоланган бўлиши мумкин. Сабаби, Дел Боске шогирдлари таркиб борасида анча кучлилар. Бошқача қилиб айтганда, бугун тажриба шижоатга қарши майдонга тушган эди.

Биринчи бўлим ортиқча ҳаяжонларсиз ўтди. 27 дақиқада Хаби Алонсо пенальтидан гол урганидан сўнг ўйин савияси пасайгандек бўлди. Танаффусга чиқиб кетиш арафасида Робин Ван Перси бош билан тўп киритиб мувозанатни тиклади.



53 дақиқада Роббен ажойиб тарзда гол уришга эришди. Шу голдан сўнг Дел Боске Хаби Алонсони олиб майдонга Педрони туширди. Натижада, таянч ярим ҳимояси кучсизланиб қолди.

64 дақиқада Снейдернинг тўп узатишидан сўнг Де Врей боши билан ҳисобни ўзгартирди.
Голландлар учинчи тўпни киритишганидан сўнг Касиляснинг асаблари ҳам дош бермади. У оёғидаги тўпни рақибга топшириб қўйди. Робин эса бундай совғаларни кўкка совурмайди.

Испания ҳимояси сочилиб кетди, голландлар нима ҳохлашса, шуни қилишди. 80 дақиқага келиб эса  Роббен супер юришни намоиш этиб берди. Жуда катта тезликда рақиб ўйинчиларини чалғитиб учрашувга нуқта қўювчи голни урди.
Иккинчи бўлимда Голландия аъзолари нима ҳохлашса, шуни вилишди.