​Goal нашрининг танловига кўра, Модрич - энг яхши футболчи

2011 йилдан бери ушбу соврин Роналду ёки Мессига насиб этиб келаётган эди. Португалиялик бу сафар иккинчи, аргентиналик юлдуз эса бешинчи ўринда эътироф этилди.

Шунингдек, топ-10 футболчилар рўйхатидан қуйидаги футболчилар жой олишди:
Салаҳ ("Ливерпул"), Мбаппе ("ПСЖ"), де Брюйне ("Ман.Сити"), Варан ("Реал"), Кейн ("Тоттенҳэм"), Гризманн ("Атлетико") ва Марсело ("Реал").

Лука учун 2018 йил муваффақиятли келди деб бемалол айтиш мумкин. Жорий йилда Модрич "Реал"нинг ЕЧЛдаги қаторасига учинчи чемпионлигига муносиб ҳисса қўшган ва Хорватия терма жамоасини ЖЧ-2018да финалигача олиб борган эди. Ҳорватларнинг финалда французларга мағлуб бўлганига қарамай (2:4), турнирнинг энг яхши футболчиси деб айнан Лука Модрич топилган эди.