Гильерме Гедеш: "Ғалаба туғилган кунимга кутилмаган совға бўлди"

- Туғилган кунингиз билан табриклайман! Ушбу кун сиз учун қандай ўтди?

- Туғилган куним билан табриклаганингиз учун раҳмат. Жуда хурсандман. Ғалаба мен учун кутилмаган совға бўлди.

Одатда, футболчилар ҳаётида биз бундай унутилмас лаҳзаларни уйдан узоқда ўтказамиз, лекин жамоа бизнинг иккинчи оиламиз ҳисобланади. Футбол ҳадя этган бу оила билан бирга эканлигимдан жуда хурсандман, айниқса сюрприз сингари келган мазкур ғалаба мени янада мамнун этди.

- "Навбаҳор"га мослашиш жараёни қийин бўлмадими?

- Мавсумнинг дастлабки қисмида тил билан боғлиқ муаммолар туфайли бироз қийинчилик бўлди, чунки бу ерда тил ўрганиш осон эмас. Бу ерда баъзан русча сўзлашишади, лекин бошиданоқ жамоа томонидан қўллаб-қувватландим, шунинг учун бу жараён яхши мослаша олишимга ёрдам берди.

- Сиз кўп йиллар давомида Бразилиянинг турли лигаларида тўп тепгансиз. Ўзбекистон Суперлигасини солиштирганда, қандай фарқ ва ўхшашликлар мавжуд?

- Бразилияда техник маҳорат жуда юқори даражада, лекин бу ердаги вазият ҳам ўхшаш. Бу ерда ҳам чемпионат жуда кучли. Мен бу чемпионатнинг Бразилиядагига ўхшаш эканлигига ишонаман.

Оқил Абдубарноев суҳбатлашди.