Гейнрих Миржалол Қосимовдан ўтиб кетди
02 сен 2016 08:56
Новости

Гейнрих Миржалол Қосимовдан ўтиб кетди

Ўзбекистон - Сурия учрашувида Александр Гейнрих гол уриб жамоамизга ғалаба келтирди.

Шундай қилиб, ҳужумчи терма жамоадаги 31-голини уришга муваффақ бўлди. Бу борада Гейнрих терма жамоамиз собиқ сардори Миржалол Қосимовдан битта голга ошиб кетди. Ўзбекистон терма жамоасида гол уриш бўйича рекордчи Максим Шацких ҳисобланади. Тажрибали ҳужумчи 60та ўйинда 34та гол урган.

Таъкидлаш лозимки, Гейнрих терма жамоада ўйин ўтказиш борасида тўртинчи ўринда бормоқда. Энг кўп ўйин ўтказган уч футболчи: Темур Кападзе 119та ўйин, Сервер Жепаров 117, Игнатий Нестеров 94. Саша кеча 89-учрашувда майдонга тушди.