Гейнрих Аршавиндан ошиб кетди

Айни пайтда чемпионат тўпурарлари орасида "Қайрат" клуби ҳужумчиси Жерар Гоу 19та гол билан пешқадамлик қилмоқда. Ундан кейинги ўринда "Иртиш" вакили Роман Муртазаев бормоқда - 18та гол. Ўз вақтида "Пахтакор"да ўйнаб кетган Душан Савич "Тобол" сафида бу мавсумда 12та тўп киритди.

"Ордабаси" клуби ҳужумчиси, Ҳамюртимиз Александр Гейнрих эса ўтган дам олиш кунлари "Иртиш" билан ўйинда дублга эришди ва голлари сонини 9тага етказиб олди.

Эътиборлиси Саша россиялик машҳур ҳужумчи Андрей Аршавиндан ошиб кетди. "Қайрат" шарафини ҳимоя қилаётган футболчи ҳисобидаги голлар сони 8та.

Тўпурарлар пойгаси:

19 - Жерар Гоу (Қайрат)
18 - Роман Муртазаев (Иртиш)
14 - Бауиржан Исламхан (Қайрат)
12 - Душан Савич (Тобол), Азат Нургалиев (Астана), Малик Мане (Тараз)
10 - Сергей Хижниченко (Тобол)
9 - Александр Гейнрих (Ордабаси)
8 - Серж Бандо Нганбе (Окжетпес), Марат Хайруллин (Окжетпес), Томаш Шимкович (Тобол), Андрей Аршавин (Қайрат)