Гари Невилл: "Месси ва Роналду эндиликда дунёнинг энг яхши футболчилари эмас"

“Кичик чақнашлар бўлиши мумкиндир, аммо шубҳасиз, Роналду ва Месси фаолиятини якунлаш арафасида турибди. Бу уларнинг мавсум охирида футболчилик фаолиятини якунлайди, дегани эмас. Роналду ва Месси яна 3-4 йил ўйнаши мумкин, чунки уларнинг жисмоний имкониятларини биламиз. Аммо улар эндиликда у қадар кучли эмаслигига шубҳа йўқ.

Ҳозир одамлардан севимли клуби қайси футболчи билан шартнома имзолашни хоҳлашларини сўрасангиз, жавоблар орасидан Месси ёки Роналду номини деярли эшитмайсиз. Улар Мбаппе, Ҳоланд, Салоҳ, Левандовскиларни айтиши мумкин.

Роналду ва Месси номи тилга олинмаяпти ва бу улар ҳали ҳам энг юқори савияда тўп тепишса-да, аввалги даражасини йўқотмоқда. Улар эндиликда дунёнинг энг яхши футболчилари эмас”, - деди “Манчестер Юнайтед”нинг собиқ ҳимоячиси.