Футзал. Хосе Мария Мендез: "Учрашувни биз назорат қилдик"
17 мая 2017 12:24
Новости

Футзал. Хосе Мария Мендез: "Учрашувни биз назорат қилдик"

Бироз аввал якунига етган баҳсда футзал бўйича Ўзбекистон U-20 терма жамоаси Мьянма U-20 термасини 5:0 ҳисобида мағлуб этди.

U-20 Осиё чемпионати 2-туридан ўрин олган ана шу учрашувдан кейин ёшлар терма жамоамиз бош мураббийи Хосе Мария Пазос Мендез фикрларини билдириб ўтди.

- Ўйинни бошида биз яхши ўйнадик. Учрашувни биз назорат қилдик. Кўплаб вазиятлар яратдик, барчасидан ҳам фойдалана олмадик. Ҳимояда тартибли ҳаракат қилдик. Бугунги учрашувда биз учун энг ёмон томони Ботир Ризаев ва Саид Ризо Миршарофовлар сариқ карточка олгани бўлди.

- Чемпионатдан олдин Ўзбекистонда ёш футзалчилар учун танлов ташкил этилганди. Ўша танловдан ўтган қайси футзалчи ҳозир Осиё чемпионатида ўйнамоқда?
- Албатта бу танлов бизга катта ёрдам берди. Кўплаб йигитлар орасида Ботир терма жамоа шарафини ҳимоя қилмоқда. Агар бу танловни олдинроқ ташкил қилганимизда уларнинг сафи янада кенгроқ бўларди.

Абдураҳмон Фозилов ёзиб олди
Бангкок, Таиланд