RU

Последние новости

16:15"Манчестер Сити" ва Абдуқодир Ҳусанов 2025/26 йилги мавсум учун уй либосини тақдим этди  9 16:09Футзал. "Оил Стар" Ўзбекистон Кубоги ярим финалининг жавоб баҳсида ЎзСҚБ билан ўйнамоқда  0 15:58Ўзбекистон Кубогида нима гап?  2 15:48Ўзбекистоннинг БАА ҳамда Қатарга қарши учрашувлари учун ҳакамлар тайинланди  10 15:48Ўзбекистон кубоги. "Пахтакор" 9:0 ҳисобида ютгани фойдасизми? "Насаф" 1:0 ҳисобида ютса, кейинги босқичга чиқадими?   3 15:31"Футбол олами". Водий дербисида "Нефтчи"да ғалаба, "Пахтакор"да 6:0, Қаршида жанговар дуранг ёхуд 9-тур ҳақида батафсил  0 15:20Эшитдик-да! CAFA U-17 мусобақасида Ўзбекистон U-16 терма жамоаси қатнашади  0 15:00Про лига. 6-тур ўйинларига ҳакамлар тайинланди  0 14:39МЮ Европа Лигасидаги эҳтимолий ғалабани нишонламоқчи эмас  1 14:11Анчелоттининг ўғли "Рейнжерс"ни бошқариши мумкин  2 13:42"Ноттингем Форест" эгаси омма олдида бош мураббийга нисбатан ғазабини намоён қилди  3 13:15"Барселона" Флик ва Шенснига янги шартнома таклиф этди  6 12:48"Наполи" Де Брюйнега қанча маош беришга тайёрлиги маълум  2 12:21Австрия ва Швейцария чемпиони "Байер" бош мураббийлигига даъвогар  0 11:57ЎФА раҳбарияти Нидерландиянинг Ўзбекистондаги элчиси билан учрашди: ПСВ вакиллари билан онлайн учрашув ташкил этилиши мумкин  2

Футзал. Хосе Мария Мендез Таиланд терма жамоасини тарк этди Новости

Футзал. Хосе Мария Мендез Таиланд терма жамоасини тарк этди

Шу йилнинг 12 сентябрь - 3 октябрь кунлари Литвада футзал бўйича навбатдаги жаҳон чемпионати бўлиб ўтишидан хабарингиз бор.

Унда Осиё қитъасидан қатнашадиган терма жамоалар орасида Таиланд ҳам бор. Ушбу жамоани ўзбек футзалига яхши таниш бўлган испаниялик мутахассис Хосе Мария Пазос Мендез бошқариб келаётганди. Мендез бошчилигида таиландликлар 20 ва 25 май кунлари мундиал йўлланмаси учун Осиё қитъаси плей-офф ўйинларида Ироқ терма жамоасини иккита беллашувда ҳам йирик ҳисоб (7:2 ва 4:0)да таслим қилган ҳамда Литвага борадиган бўлганди.

Кеча Пазос Мендез Таиланд терма жамоаси бошқарувини тарк этди. Таиланд ва мураббий ўртасидаги шартнома бекор қилинган.

Хосе Мариянинг шахсан ўзи "Championat.asia" сайтига Португалиянинг "Бенфика" клубига кетаётганини маълум қилди. Энди у футзалга Рикардиньодек топ ўйинчини етказиб берган мамлакатнинг энг кучли иккита клубидан бирини бошқаради.

"Бенфика" ортда қолган мавсум Португалия чемпионати финалидаги серияда "Спортинг"га 3:1 ҳисобида (бунда финал томонлардан бири ("Спортинг")нинг учта ғалабасига қадар давом этган) имкониятни бой бериб қўйди. Шундан сўнг, клуб 18 июнь санасида жамоани 7 йил давомида бошқариб келган Жоэл Роша билан хайрлашилганини эълон қилган эди. Мана энди "бургутлар"ни Пазос Мендез бошқаради.

"Бенфика" таркибида Осиё қитъасидан ҳам ўйинчилар бор. Булар: эронлик тўпурар Ҳуссайн Тойиби ва япониялик Рафаэл Хенми.


Маълумот учун, Мендез Таиланд терма жамоаси бошқарувида қолганида Литвадаги мундиалда "C" гуруҳида Португалия, Марокаш ва Соломон ороллари терма жамоалари билан беллашган бўларди.

Рейтинг: +22   

Комментарии

championat.asia
< посмотреть последние новости
Яндекс.Метрика