Футзал. Осиё чемпионатига тайёргарлик давом этмоқда
26 янв 2018 10:39
Новости

Футзал. Осиё чемпионатига тайёргарлик давом этмоқда

Хабарингиз бор, футзал бўйича Ўзбекистон терма жамоаси Эроннинг Табриз шаҳрида бўлиб ўтган Осиё чемпионати саралаш босқичининг «А» гуруҳида 1-ўринни эгаллаб, қитъа чемпионатига йўлланмани қўлга киритганди.

Футзалчиларимиз шу йилнинг 6–18 февраль кунлари Хитой Тайпейида бўлиб ўтадиган Осиё чемпионатига тайёргарликни давом эттирмоқда. Баҳодир Аҳмедов ва Нодир Элибоев устозлигида терма жамоамиз сафар олдидан сўнгги йиғинни 15 январда бошлаганди.

Футзалчилар “Чиғатой” спорт базасида яшаб, “Бунёдкор” футбол Академиясига қарашли спорт залда машғулотлар олиб боришяпти. Машғулотларда куннинг биринчи ярмида жисмоний тайёргарликка, иккинчи ярмида эса техник-тактик ҳамда стандарт вазиятлардан фойдаланиш жиҳатларига эътибор қаратиляпти.

Терма жамоамиз 28 январь куни ўқув-машғулот йиғинлари доирасидаги сўнгги машғулотларини олиб боради. Йиғинларда иштирок этаётган 18 нафар номзод футзалчилардан бош таркибга кирувчи 14 нафари танлаб олинади ва 29 январь куни термамиз Хитой Тайпейи сари сафарга отланади.