Футзал: Колумбияга кимлар боради?

Шу сабабли бу сафарги жаҳон чемпионати ҳақида муҳим фактларни эътиборингизга тақдим этишга қарор қилдик.

Жаҳон чемпионати 10 сентябрь – 1 октябрь кунлари Колумбияда бўлиб ўтади. Баҳслар Калидаги “Колизео Пуэбло” (18000), Букарамангадаги “Колизео Бисентенарио” (8000) ва Меделлиндаги “Колизео Иван Де Беду” ареналарида ўтказилади.

Мундиалда 24 жамоа 6 гуруҳга 4тадан бўлинади. Гуруҳ ғолиблари ва 3-ўрин соҳибларидан 4та энг яхши кўрсаткичга эга бўлгани нимчорак финалга йўлланма олади. Ҳозиргача мундиалда иштирок этадиган қуйидаги жамоалар номи маълум:

Осиё: Эрон, Ўзбекистон, Таиланд, Вьетнам, Австралия
КОНМЕБОЛ: Колумбия, Аргентина, Бразилия, Парагвай
Океания: Соломон ороллари

Африкада қитъа чемпионати апрелда ЖАРда бўлиб ўтади. Унда юқори уч ўринни эгаллаган жамоалар мундиалда қатнашади. КОНКАКАФда эса май ойида Коста Рикада 4 бахтли жамоа аниқ бўлади. Ҳар икки минтақада финал босқичида 8тадан жамоа иштирок этади.

Европада эса саралаш баҳслари алоҳида ташкил этилади. Охирги плей-офф раундида 7 жуфтлик 22 март ва 12 апрель кунлари уй-сафар тизимида тўқнаш келади. Ғолиблар мундиал йўлланмасига эга чиқади. ЖЧ йўлланмаси учун қуйидаги жамоалар тўқнаш келади:

Словения - Испания
Словакия – Украина
Польша – Қозоғистон
Сербия – Португалия
Беларусь – Россия
Голландия – Озарбайжон
Венгрия – Италия

Беҳзод Назаров