Футзал. Дарвозабонлар мураббийлари учун Level-1 халқаро ўқув курслари бўлиб ўтмоқда

Шуни ҳам алоҳида таъкидлаш керакки, бу каби ўқув курслари Ўзбекистон футбол федерацияси ташаббуси билан Ўзбекистонда илк марта ташкил этилмоқда. Level-1 халқаро ўқув курсларини ташкил этишдан асосий мақсад юртимизда юқори савияли дарвозабонларни тайёрлашдан иборат. Мазкур ўқув курслари иштирокчилар учун бепул бўлиб, харажатлар Ўзбекистон Футбол федерацияси томонидан қопланмоқда.  

Ушбу курсларда жами 16 нафар мураббийлар иштирок этмоқда. Эрон мамлакатидан ташриф буюрган ОФК инструктори Майкл Петрос мураббийлар билан назарий ва амалий машғулотлар ўтказмоқда. Майл Петросга футзал бўйича терма жамоамиз дарвозабони Рустам Умаров ассистентлик қилмоқда.

Ўқув курслари 29 декабрга қадар давом этади. Курсларни муваффақиятли якунлаган мураббийларга ОФК сертификати ва Ўзбекистон футбол федерацияси лицензияси тақдим қилинади.