Футзал. Дарвозабонлар мураббийлари учун Level-1 халқаро ўқув курслари бўлиб ўтди

Шуни ҳам алоҳида таъкидлаш керакки, дарвозабонлар мураббийлари учун бундай ўқув курслари Ўзбекистон футбол федерацияси ташаббуси билан Ўзбекистонда илк марта ташкил этилмоқда. Мазкур ўқув курслари иштирокчилар учун бепул бўлиб, харажатлар Ўзбекистон Футбол федерацияси томонидан қопланмоқда.  

Ушбу курсларда жами 16 нафар мураббийлар иштирок этди. Эрон мамлакатидан ташриф буюрган ОФК инструктори Майкл Петрос мураббийлар билан назарий ва амалий машғулотлар ўтказди. Майл Петросга футзал бўйича терма жамоамиз дарвозабони Рустам Умаров ассистентлик қилди.

Курсларни муваффақиятли якунлаган мураббийларга ОФК сертификати ва Ўзбекистон футбол федерацияси лицензияси тақдим қилинади.


"Level-1 халқаро ўқув курсларини ташкил этишдан асосий мақсад юртимизда юқори савияли дарвозабонларни тайёрлашдан иборат. Бундай тадбирлар келаси йилда ҳам футзал мураббийлари учун ташкил қилинади", - дейди ЎФФ Техник ривожлантириш бошқармаси бошлиғи Рустам Толибжонов.