Футзал бўйича Осиё чемпионати–2018 саралаш босқичига қуръа ташланди
06 июл 2017 13:01
Новости
Футзал бўйича Осиё чемпионати–2018 саралаш босқичига қуръа ташланди
Унга кўра, Ўзбекистон футзал термаси Марказий ва Жанубий Осиё минтақаси “А” гуруҳидан жой олди ва ОЧ финал босқичи йўлида Қирғизистон, Туркманистон ҳамда Непал термаларига қарши баҳс юритади.
Марказий ва Жанубий ҳамда Ғарбий Осиё минтақасининг саралаш ўйинлари шу йилнинг 13–22 октябрь кунлари бўлиб ўтади. Мезбон мамлакат вакили кейинроқ эълон қилинади. Шарқий Осиё минтақаси саралаш босқичи беллашувлари эса 1–11 ноябрь кунлари ўтказилади.
Қайд этиш жоиз, саралаш босқичида жами учта — Шарқий, Марказий ва Жанубий ҳамда Ғарбий Осиё минтақасидан 22 терма жамоа 6 гуруҳга бўлинган ҳолда иштирок этади. Бундан ташқари, Жануби-шарқий Осиё футбол фередацияси — ASEAN ташкилотга аъзо мамлакатлар ўртасида шу йилнинг 23 октябрь — 3 ноябрь кунлари минтақа чемпионатини ўтказади. Унда иккита гуруҳ иштирок этади ва унда 1-2 ўринларни эгаллаган терма жамоалар ОЧ финал босқичига йўл олади.
Гуруҳларда 1–2 ўринларни эгаллаган жами 16 терма жамоа футзал бўйича Осиё чемпионати финал босқичига йўлланма олади. Футзал бўйича ОЧ финал босқичи 2018 йилнинг 6–18 февраль кунилари бўлиб ўтади.

Похожие новости
championat.asia
Ўзбекистон U-23 терма жамоаси мусобақани ғалаба билан бошланди. Стартда Ливанни енгдик
Алижонов "Пахтакор"да қолиш учун йирик битимни рад этди
Тезкор хабар! Рубен Аморим МЮдан кетди
Расман: Шерзод Насруллаев — "Пахтакор" аъзоси!
Комментарии