Футзал. БМБ Ўзбекистон МТЖнинг 7 нафар ўйинчисини ўз сафига қўшиб олди

Нодир Элибоев бош мураббийлигидаги жамоа янги мавсумда ўз олдига Олий лига чемпионлигини вазифа қилиб қўймоқчи. Шу кунларда БМБ жамоаси қатор трансферларга қўл урди.

"Локомотив", АГМК, "Жиззах Кентекс" ва "Каспий" (Қозоғистон) жамоаларидан Ўзбекистон миллий терма жамоасининг 7 нафар аъзоси жалб қилинди. Бундан ташқари, терма жамоага номзод ҳисобланган Дилмурод Шавкатов ҳам келди. Янги олиб келинганлар рўйхатида амалдаги тўпурар Акбар Усмонов, Олий лиганинг ўтган йилги энг яхши футзалчиси Ҳусниддин Нишонов, терма жамоа етакчиларидан бири Даврон Чориевлар бор.

БМБ жамоасига келиб қўшилганлар:

1. Дилмурод Шавкатов ("Локомотив"дан)

2. Акбар Усмонов ("Локомотив"дан)

3. Машраб Одилов ("Локомотив"дан)

4. Музаффар Аҳаджонов (АГМКдан)

5. Равшан Элибоев ("Каспий", Қозоғистондан)

6. Ҳусниддин Нишонов ("Жиззах Кентекс"дан)

7. Даврон Чориев ("Жиззах Кентекс"дан)

8. Аббос Элмуродов ("Жиззах Кентекс"дан).

9. Жаҳонгир Нарзуллаев ("Дизак"дан)

Бундан ташқари, БМБ 3 нафар ўйинчи билан шартномани узайтирди. Булар: Фернандо де Соуза, Шаҳзод Саъдиев (жамоанинг ўтган мавсумдаги энг яхши ўйинчиси) ҳамда Шавкат Ибрагимов.