Футболчининг ёши кичрайтирилганми ёки Асадовнинг асл ёши неччида?

Дарҳақиқат, аслида ҳам шундай дейиш мумкин. Бу борада аниқ номларни исботи билан келтира олмасакда лекин шундай тоифадаги ёшларимиз йўқ эмас. Яқинда олий лига клубларининг рўйхтадан ўтказган футболчиларига бирма-бир эътибор қаратиб чиқдим. Шунда ўтган йили биринчи лигада тўпурар бўлган Фирдавс Асадовни жорий мавсум "Бухоро"нинг рўйхатидан ўтганини кўрдим. Диққатимни унинг ёшига қаратган холда, ўтган йили "Спартак" сафида ўйнаган футболчининг ўтган мавсум неччи ёшда заявка бўлганию айни пайтда неччи ёшдалиги билан қизиқдим. Чунки фарқ бор эди.

Шахсан ўзим ўтган йили Фирдавс билан суҳбатлашганман. Камгап ва одоб-аҳлоқи ижобийлиги билан эътиборимни тортганди. Анчагина камтар бўлган Асадов 17 ёшида ўзидан бир неча ёш катта бўлган йигитларга қарши ўйнаш қийин бўлганини таъкидлаб ўтганди. Шунда унга нима учун U-17 ёшлар жамоамизга Дилшод Нуралиев таклиф қилмаётганини сўраганимда, бундан футболчининг ўзи ҳам ҳайрон эканлигини, агарда таклиф бўлса ЖЧда ўйнашни истаётганини билдирганди. Лекин Нуралиев уни гарчи биринчи лига тўпурари бўлган эрсада, мундиалга олиб кетмаганди. Жисмонан анча бақувват бўлган Фирдавс Асадовни бухороликлар Карлос деб атайди. Сабаби унинг ҳам оёқлари бразилиялик Роберто Карлосники сингари катта. Хуллас ўтган йили 1996 йил бўлиб "Спартак" рўйхатидан ўтган бу футболчи бу йил зудлик билан 3 ёшга яна катталашиб қолди. Гап шундаки Эдгар Гесс бошчилигидаги жамоадан Асадов 1993 йил бўлиб, ҳимоячи сифатида рўйхатдан ўтган.

Шу боис кўпчилик Фирдавснинг асл ёши неччида эканлиги билан қизиқиши табиий. Балки хужжатларни расмийлаштирилаётганда бироз тушунмовчилик бўлгандир. Ёки ҳақиқатдан ҳам футболчининг ёши урилгандир.

Исломбек Рустамбеков.