"Футболчиларнинг майдондаги ҳаракатига таъсир ўтказа олмайман, бироқ уларга йўл кўрсатишим мумкин" - Сульшернинг "Борнмут"га қарши ўйиндан олдинги фикрлари

"Лукаку, Марсьяль ва Алексис кеча енгил машғулот ўтказишди. Уларнинг тикланиш жараёнини кузатишга мажбурмиз.

Футболчиларнинг майдондаги хатти-ҳаракатларига таъсир ўтказа олмайман. Уларга ўзларини йўлларини кўрсатишим мумкин. Бунда йигитлар имконият борлигида ўзларини кўрсатишса бўлгани, менга бундан ортиғи керак эмас.

Шогирдларимга ҳар доим бундай клубда ўйнашдан роҳатланишлари кераклигини айтаман. Бу уларнинг ҳаётидаги энг муҳим онлардир.

Кўп бора Погба дунёнинг энг яхши ярим ҳимоячиларидан бири деб айтганман. У нафақат ҳужумда, балки ҳимояда ҳам анчагина фойдали. Полнинг бўйи анчагина баланд, яккакурашларда фаол. Бундай футболчиларнинг атрофида ўйин қурса бўлади.

Қачонки тайёр бўлса Валенсия сардор сифатида ўйнайди. Ҳозирда у савиясидаги ҳужумкор қанот топ-ҳимоячилар жуда кам", - деди Сульшер.