"Фулхэм" МЮга Фредни сотиб олиш бўйича таклиф билан чиқади. Ярим ҳимоячига Саудия Арабистонидан ҳам қизиқиш бор

"Манчестер Юнайтед" клуби ярим ҳимоячиси Фред бошқа жамоага ўтишни мақсад қилган. Футболчининг бу қарорга келишига, бирор жамоада муҳимроқ ўринни эгаллаш истаги сабаб бўлган.

Таниқли инсайдер Фабрицио Романонинг ёзишича, Фредга "Фулхэм" клуби қизиқиш билдирмоқда ва тез орада МЮга таклиф жўнатади. Бундан ташқари, бразилиялик ярим ҳимоячига Саудия Арабистони клубларидан ҳам таклиф бор. 

Фред яқиндагина ўз агентини алмаштирди. Ҳозирда унга Габриэль Жезус билан бир хил агентлар хизмат кўрсатишмоқда.

Маълумот учун, Фреднинг "Ман Юнайтед" билан шартномаси 2024 йилнинг ёзига қадар мўлжалланган.