Фрэнк Лемпард “Бавария” билан ўйиндан олдин: “Биз аутсайдер эмасмиз”
25 фев 2020 15:55
Новости
Фрэнк Лемпард “Бавария” билан ўйиндан олдин: “Биз аутсайдер эмасмиз”
“Бу катта ўйин. Балки, рақиб жамоада биздан кўра кўпроқ истеъдодли футболчилар бордир, халқаро майдонларда ҳам яхшироқ натижаларга эришишгандир. Мухлисларнинг билдираётган фикрлари ҳам “Бавария”ни яққол фаворит сифатида кўрсатмоқда. Демак, камчиликларимиз кўп. Бунинг устига бир нечта асосий ўйинчиларимиз жароҳат сабаб майдонга туша олмайди. Рақибларимиз ўйинини анча яхши биламан. Улар тўп назоратини узоқ ушлай олишади. Таркиб ҳам бир неча йиллик.
Лекин менинг мураббий сифатидаги вазифам нафақат идеал тактика ишлаб чиқиш, балки керакли руҳий кўрсатмаларни бериб боришим ҳам керак. Унутмаслик керак, бу баҳс икки ўйиндан иборат. Шунинг учун ҳар қанақасига ҳам бўш зоналар бўлиши аниқ. Бу баҳсни ўша битта-иккита зарбалар ҳал қилиб қўйиши мумкин. Лекин биз бугун “Стемфорд Бридж”да ўйнаймиз. Бу устунлик дегани. Сен қачон кучли жамоалар билан ўйнасанг, улардан плюс томонларни ўрганишни ҳам билишинг керак. Улар сенга тажриба тўплашда ёрдам беради”, - дейди лондонликлар устози.
Эслатиб ўтамиз, “Челси” - “Бавария” учрашуви тунда Тошкент вақти билан 01:00 да старт олади.
Комментарии