"FourFourTwo" Яшинни барча даврларнинг энг яхши дарвозабони деб топди
19 июл 12:37
Новости

"FourFourTwo" Яшинни барча даврларнинг энг яхши дарвозабони деб топди

Британиянинг "FourFourTwo" портали футбол тарихидаги энг яхши дарвозабонларни аниқлади.

Биринчи ўринни Москванинг "Динамо" клуби ва СССР терма жамоаси собиқ дарвозабони Лев Яшин эгаллади. 1956 йилда футболчи Олимпия чемпиони, 1960 йилда эса Европа чемпионати ғолиби бўлган. 1963 йилда у "France Football" журнали талқинига кўра йилнинг энг яхши футболчиси сифатида "Олтин тўп"ни олган.

Иккинчи ўринни "Бавария" ва Германия терма жамоаси футболчиси, 2014 йилги жаҳон чемпиони Мануэль Нойер, учинчи поғонани 1966 йилда Англия терма жамоаси билан жаҳон чемпиони бўлган Гордон Бэнкс банд этди.

Шунингдек, кучли 10 ликка Икер Касильяс (Испания), Рикардо Самора (Испания), Зепп Майер (Германия), Жанлуижи Буффон (Италия), Петр Чех (Чехия), Петер Шмейхель (Дания) ва Дино Зофф (Италия) кирди.

СССР терма жамоасининг яна бир собиқ дарвозабони Ринат Дасаев 14-ўринга лойиқ кўрилди.

Ссылка :

Источник : FourFourTwo

Получайте новости прямо в Telegram!

Рейтинг: +2