Фотомақола: МТЖ машғулотларидан иккинчи кун

Бу сафар "Спорт ТВ"дан икки нафар ҳамкасбимиз ҳам иштирок этди. Қосимов Лиссабондалиги учун Шуҳрат Мақсудов ва Бахтиёр Ашурматов дастур асосида машғулот ўтказдилар.



Нима учун "Навбаҳор"нинг пули бўлмаса-да, яхши ўйнаяпти деган саволга жавоб. Бахтиёр Ашурматов футболчилар билан жуда зўр гаплашиб қўяди. Бу футболда жуда муҳим. Терма жамоада янги бўлган Ҳусниддин Ғофуровга Бахтиёр Ашурматов терма жамоа ҳақида тушунча беряпти.




Жасур Ҳасанов ва Одил Аҳмедов бир тўп кетидан. Фахрийлар четга чиқаётган бир пайтда катта масъулият шу футболчиларимизнинг зиммасига тушадиган бўлиб турибди. Ёшларимиз чиқяпти деймиз-у, аммо бу ёшларнинг майдон ташқаридаги турмуш тарзи пулни деб ўзгариб кетяпти.




Эътибор берган бўлсангиз, терма жамоамизнинг футболкалари бир хил бўлиб қолди. Иккита 6 рақами ҳам йўқ. Кейин шортикда бошқа, футболкада бошқа бўлган рақамларга ҳам барҳам берилди. Бу борада жамоа маъмури Бахтиёр Исмоиловнинг хиссаси катта. Шу фақат битта футболка бера олмайди-да, а лаббай?