ФОТО. Неаполда Игуаин сурати туширилган хожатхона қоғозлари ишлаб чиқариляпти
01 апр 2017 08:02
Новости

ФОТО. Неаполда Игуаин сурати туширилган хожатхона қоғозлари ишлаб чиқариляпти

Италиянинг “Наполи” клуби мухлислари ҳалигача Гонсало Игуаиннинг “Ювентус”га ўтганлигини ҳазм қила олишмаяпти.

А Серия доирасидаги “Наполи” - “Ювентус” учрашуви олдидан неаполликлар мухлислар аргентиналик ҳужумчини яна бир бор эсга олишди.

Daily Mail нашрининг хабар беришича, “Наполи”нинг уй стадиони атрофида Игуаиннинг “Ювентус” либосидаги сурати туширилган хожатхона қоғозлари сотуви йўлга қўйилди.

Шу йўл билан “Наполи” мухлислари жамоанинг собиқ футболчисига ўз норозликларини билдиришди. Игуаин ўтган йили “Ювентус” клубига кечиб ўтган эди.