Флик: "Шокдаман. Биз яна требл хоҳлагандик"

"Бу албатта шок. Биз треблни ҳимоя қилишни истагандик. Жамоа юқори кайфиятда эди. Ўйинни биз назорат қилдик, мақсадимиз ҳам шу эди. 

Сўнгги сонияларда ҳисобни тенглаштирувчи голни ўтказиб юбориш аламли. Биз "Хольштайн"ни табриклашимиз лозим. Улар ҳақиқий жанг намойиш этишди.

Энди буни ёддан чиқарган ҳолда янада яхшироқ ишлашимиз лозим. Ҳимояда жипслашишимиз керак. Рақибга босим уюштиришимиз лозим бўлади. 

"Хольштайн" яхши ҳимояланди, уларнинг дарвозабони эса ажойиб ўйин кўрсатди. Пенальтилар сериясида бундай натижалар доим бўлиши мумкин, мен Рокани умуман айбламайман (изоҳ - Пенальтидан гол кирита олмаган футболчи)", - деди Флик.