Филиппин терма жамоаси устози: "Биз 40 дақиқа давомида Ўзбекистон босимига бардош бера олдик"
14 янв 10:03
Новости

Филиппин терма жамоаси устози: "Биз 40 дақиқа давомида Ўзбекистон босимига бардош бера олдик"

Аёллар ўртасидаги футзал бўйича Осиё Кубоги "С" гуруҳи 1-туридан ўрин олган Филиппин - Ўзбекистон (3:3) баҳсидан сўнг Филиппин терма жамоаси бош мураббийи Рафаэль Мерино ўйин ҳақидаги фикрлари билан ўртоқлашди.

- Бугунги баҳс ҳақидаги фикрларингиз?

- Ўйин жуда тенг ва юқори ҳарорат остида ўтди. Бугунги натижадан кўнглим тўлди, сабаби Ўзбекистон терма жамоаси анча кучли жамоа. Биз муносиб ўйин намойиш этдик ва яхши курашдик. Жамоам 40 дақиқа давомида бир хил ҳаракат қилишди ва якунда қониқарли натижага эришдик. Биз ҳаттоки ғалаба қозонишимиз ҳам мумкин эди. Биз 40 дақиқа давомида Ўзбекистон босимига бардош бера олдик.

- Ўзбекистон терма жамоаси ҳақида қандай фикрдасиз?

- Жуда ҳам тартибли ва яхши терма жамоа. Терма жамоангиз анча юқори даражали ўйин намойиш этди. Биз бугун Ўзбекистон босимига бардош бера олдик.

- Кейинги рақиблар ва уларга қарши кечадиган баҳслар ҳақида гапириб ўтсангиз?

- Барча жамоалар саралаш босқичидан муваффақиятли ўтишни истайди. Шу сабабли барча жамоаларга қарши ўйинлар қийин кечади. Биз шундай руҳда давом этишимиз керак, деб ҳисоблайман. Бизни кутиб турган икки рақибимиз ҳам анча жиддий.

Футзал бўйича Осиё Кубоги саралаш босқичи. Ўзбекистон Филиппин билан жанговар дуранг қайд этди