FIFA18 ўйинида ўзбекистонлик футболчилар борми? (+ФОТО)

Ўзбекистонда ҳам бу ўйиннинг мухлислари жуда кўп ва бир йил олдин ушбу йўналиш бўйича хатто мамлакатимизнинг олий ва биринчи лигалари йўлга қўйилган эди. Ўзбекистон терма жамоаси ишқибозлари бу ўйинда миллий терма жамоамиз йўқлигини яхши билишса керак. Бироқ 5 нафар футболчимиз ушбу виртуал футбол ўйинида мавжуд. Улар Виталий Денисов ("Локомотив" Москва), Вадим Афонин ("Анжи"), Вагиз Галиулин ("Тосно"), Элдор Шомуродов ("Ростов") ва Фозил Мусаев ("Жубило Ивата").

Виталий Денисов

FIFA18 ўйинида ҳамюртимиз Виталий Денисов энг катта рейтингга (80) эга ўзбекистонлик ҳисобланади. EA SPORTS ишлаб чиқарувчилари ўйиннинг бу қисмида ҳимоячини жисмонан бақувват, тез югурадиган ва ҳимояда яхши ҳаракат қиладиган футболчи сифатида кўрсатишган.

Вадим Афонин

"Анжи"даги ярим ҳимоячимизнинг рейтинги 71. Унинг ўйиндаги кучли сифатлари - қисқа паслар (76) ва жарима зарбаларида тўпни айлнатириш (76).

Вагиз Галиулин

"Тосно"да жавлон ураётган ўзбекистонлик Вагиз Галиулиннинг FIFA18 ўйинидаги кўрсаткичлари анча паст. Виртуал футбол яратувчилари Галиулинга кўпроқ тезкорлик ва чаққонлик сифатларини қўшишган.

Элдор Шомуродов

Яқиндагина "Ростов"га ўтган ҳамюртимиз Элдор Шомуродовнинг FIFA18 ўйинидаги рейтинги - 63. У ҳам Галиулин ва Денисов каби катта тезликка эга. Ишонмайсизми? Унда ушбу ўйинда Шомуродов билан ҳаракат қилиб кўринг.

Фозил Мусаев

FIFA18 ўйинидаги энг паст кўрсаткич Фозил Мусаевда. Ўйин яратувчилари футболчимизга яхши эътибор беришмаган кўринади. FIFA18 талқинига кўра, Мусаев кўпроқ агрессив ҳаракатларда кучли экан.

Сиз ушбу футболчиларнинг рейтинги ҳақида қандай фикрдасиз?

Телеграмдаги каналимиз орқали FIFA18 ўйинининг Ўзбекистон учун муқовасини кўчириб олишингиз мумкин. ТЕЛЕГРАМ