ФИФА "Насаф"га Азиз Амоновни рўйхатдан ўтказишга рухсат берди
21 фев 2023 16:47
Новости

ФИФА "Насаф"га Азиз Амоновни рўйхатдан ўтказишга рухсат берди

Ўзбекистонлик футболчи Азиз Амонов Теҳроннинг "Истиқлол" футбол клуби билан шартномани бир тарафлама бекор қилиб, Қаршининг "Насаф" клуби сафига келиб қўшилганди.

Кейинроқ "Истиқлол" футболчининг "Насаф" учун рўйхатдан ўтишига қаршилик кўрсатди ҳамда унинг трансфер сертификатини тасдиқлашдан бош тортди.

"Насаф" Азиз Амоновда "Истиқлол" билан шартномани бекор қилиш учун етарлича асос бўлганлигини маълум қилиб, ФИФАга хат юборди. ФИФА эса ишни ўрганиб чиқди. Бугун, 21 февраль куни ташкилотнинг тегишли палатаси "Насаф" сўровини қаноатлантириб, Амоновни Лига рўйхатидан ўтказиш жараёнини якунлашга рухсат берди.

Маълумот учун, "Насаф" Азиз Амоновни MyLeague онлайн платформаси орқали рўйхатдан ўтказганди. Аммо жараённи тўлиқ якунлаш учун "Истиқлол" клубининг халқаро трансфер сертификатини тақдим этиши кутилаётган эди.

Эрон жамоасида ФИФА қарори юзасидан апелляция киритиш учун 10 кун вақт бор.

Ссылка :

Источник : pfl.uz

Получайте новости прямо в Telegram!

Рейтинг: +17