ФИФА данияликларга сиёсий чақириқлар ёзилган либосларда машғулотлар ўтказишни тақиқлади
11 ноя 2022 11:54
Новости

ФИФА данияликларга сиёсий чақириқлар ёзилган либосларда машғулотлар ўтказишни тақиқлади

Халқаро футбол федерацияси (ФИФА) Дания терма жамоасига 2022 йил Қатарда бўлиб ўтадиган Жаҳон чемпионати вақтида сиёсий шиорлар ёзилган футболкаларда машғулотлар ўтказишни тақиқлаб қўйди.

Бу ҳақда Дания футбол иттифоқи (DBU) алоқа бўлими бошлиғи Якоб Хойер пайшанба куни France Press агентлиги маълум қилди.

10 ноябрь куни эрталаб DBU раҳбари Якоб Хойер Ritzau ("Ритцау") ахборот агентлигига ФИФА данияликларга "Инсон ҳуқуқлари ҳамма учун" шиорини машғулот либосига жойлаштиришга рухсат бермаганини маълум қилганди.

"Биз ФИФАга сўров юбордик, аммо рухсат тегмади. Бундан афсусдамиз, лекин буни ҳисобга олишимиз керак", – деди Йенсен.

4 ноябрь куни ФИФА Қатардаги Жаҳон чемпионати иштирокчиларини футболни сиёсатга аралаштирмасликка чақирди. Ташкилот турнир иштирокчилари ҳам бундан ўрнак олиб, ўйинга ғоявий ва сиёсий курашларни қўшмасликларига умид билдирди.

Қатарда футбол бўйича мундиаль 20 ноябрь куни бошланади. Мусобақада данияликлар "D" гуруҳида Тунис (22 ноябрь), Франция (26 ноябрь) ва Австралия (30 ноябрь) терма жамоалари билан ўйнайди.

Ссылка :

Источник : France Press

Получайте новости прямо в Telegram!

Рейтинг: +3