Февзи Давлетов: "Ўйинни тўлиқлигича назорат қилдик, фақатгина гол етмади"
24 ноя 2024 18:04
Новости
Февзи Давлетов: "Ўйинни тўлиқлигича назорат қилдик, фақатгина гол етмади"
— Бугун гол уришнинг уддасидан чиқмадик. Қийин ўйин бўлиши ҳақида огоҳлантиргандим. Ўйинни тўлиқлигича назорат қилдик, фақатгина гол етмади.
— Биринчи бўлимнинг 35-дақиқасида Асилбек Жумаевни алмаштириш сабаби нима эди? Кўрдикки, у майдондан норози тарзда чиқиб кетди.
— Унда жароҳат бор эди, рақиб тўпни олиш чоғида бу янада ёмонлашди. Асрашимиз керак эди, аммо янада ёмонлаштирдик. Бундан ташқари, сариқ карточкаси ҳам бор эди. Бу мажбурий ўзгариш эди.
— Бу "Металлург" учун ҳаёт-мамот ўйини эдими?
— Ҳа, албатта, турнир жадвалидан келиб чиққан ҳолда. Бу бекободликлар ютиши шарт бўлган ўйин эди.
— "Сурхон" мавсум олдида ўз олдига қўйилган мақсадларга эришдими?
— Бизда стабиллик ҳукм сурмоқда. Ўтган йили 6-ўринда эдик, бу йил 7-ўринни эгалламоқдамиз. Чемпионатни яхши ўтказдик, бундан ҳам яхшироқ иштирок этишимиз мумкин эди. Содир этган хатоларимизни таҳлил қиламиз ва келажакда такрорламасликка уринамиз.
— Бугунги ўйинда "Сурхон" мухлисларининг ҳатти-ҳаракатларини қандай баҳолайсиз?
— Ажойиб, аммо афсуски, уларни гол билан хурсанд қила олмадик. Битта ўйин қолди, олға ҳаракат қиламиз.
Похожие новости
championat.asia
ОЧЛ-2. Ҳакамга тиббий ёрдам кўрсатилган ўйинда "Андижон" 3-марта 0:0 ҳисоби қайд этди. Бу галги рақиб – "Ал Ҳалдия"
Арда Гюлер: "Алонсо дарвозада турасан деса, қўлқоп сотиб оламан"
Суперлига. "Пахтакор" финал олдидан меҳмонда "Хоразм"ни енгди, икки жамоа ўйинни 10 киши тугатди
Суперлига. "Қизилқум" ўз майдонида "Динамо" устидан ишончли ғалабага эришди
Комментарии