Фернанду Сантуш нима учун Роналдуни терма жамоага чақирмаганини айтди
01 сен 2018 08:17
Новости

Фернанду Сантуш нима учун Роналдуни терма жамоага чақирмаганини айтди

Португалия терма жамоаси бош мураббийи Фернанду Сантуш «Ювентус» ҳужумчиси Криштиану Роналдуни нима учун сентябрь ойидаги ўйинларга чақирмаганини тушунтирди.

«Ювентус» билан шартнома тузиб бўлганидан кейин у билан гаплашиб олдим. Янги клубга мослашиш жараёнида Роналдуни терма жамоага чақирмасликка қарор қилдим. У ҳам мени тушунди», – дейди Сантуш.

Португалия терма жамоаси сентябрь ойида Хорватия билан ўртоқлик учрашувида ва Италия билан Миллатлар лигаси доирасида ўйин ўтказади.