Фернанду Сантуш: "Барча рақиблар Португалияга қарши ўзгача тайёргарлик кўришади"
13 дек 2015 10:35
Новости

Фернанду Сантуш: "Барча рақиблар Португалияга қарши ўзгача тайёргарлик кўришади"

Португалия терма жамоаси устози Фернанду Сантуш ЕВРО-2016га ташланган қуръадан сўнг ўз фикрларини билдирди.

"Осон ёки қийин гуруҳларга ишонмайман. Фақат меҳнатга ишонаман. Исландия - сўнгги йилларда жуда катта ривожланишга эришган жамоа. Улар саралашда Голландияни ортда қолдириб гуруҳда биринчи бўлишди. Бу кўп нарсани англатади. Австрия сафида Давид Алаба, Кристиан Фухс ва Марко Арнаутович каби ажойиб футболчилар бор. Австрия ҳам ўз гуруҳида биринчи бўлди. Венгрия билан анчадан буён тўқнаш келмаганимиз учун бу рақиб ҳақида кўп нарса билмайман. Ҳар бир жамоа Португалия билан баҳсга ўзгача тайёргарлик кўриб майдонга тушишларини унутмаслик керак", - дейди Сантуш.