Фердинанд Коутиньонинг "Манчестер Юнайтед"га керак эмаслиги сабабини айтди

"Коутиньо "Ливерпуль"да ажойиб ўйнаганди. Жамоадан кетганидан кейин эса унинг олдинги ҳолатини кўрмадик. "Барселона"да унга осон бўлмади, бор кучини у мослашишга сарфлади. "Бавария"даги ўйинлари эса одамни ажаблантирмади.

Ажойиб футболчи, юқори иқтидор. Уни қутқариш керак. АПЛга қайтариш уни қутқариш билан тенг бўлади. Бироқ у "Манчестер Юнайтед"га ўтмаслиги керак. Чунки ҳозир жамоада Бруну Фернандеш бор.

У "Тоттенхэм"ни кучайтира олади. 100 фоиз! У ҳам Сон, Алли каби ажойиб футболчи. "Арсенал"? Уларда Ўзил бор. Унинг ўйинлари менга ёқади. Фақатгина ундан тўғри фойдаланиш керак.

Ҳар бир футболчи ўзининг чегараси доирасида ўйин кўрсата олади. У "Манчестер Сити" ёки "Ливерпуль" даражасида эмас.

У МЮга ўтадими? Йўқ, "Ливерпуль" футболчиси энди МЮга ўтмайди. Клублар ўртасида катта рақобат бор", - деди Фердинанд.