fcdinamo.uz: Андрей Мельничук - «Динамо»нинг энг яхши футболчиси
23 ноя 2013 16:01
Новости

fcdinamo.uz: Андрей Мельничук - «Динамо»нинг энг яхши футболчиси

Икки ҳафта давомида клубимиз расмий сайтида мухлислар ўртасида ўтказилган сўровнома якунларига, «Динамо»нинг 2013 йилги энг яхши футболчиси аниқланди.

Анъана тусини олган ушбу сўровномада бу йил 210 нафар иштирокчи ўз овози билан қатнашди. Сўровнома якунларига биноан, уч мавсумдан бери Самарқанд жамоаси дарвозасини қўриқлаётган Андрей Мельничук - «Динамо»нинг 2013 йилдаги яхши футболчиси» деб топилди. Украиналик легионер посбон умимий иштирокчиларнинг деярли ярми - 102 та овоз (48.6%) тўплаган.

Бу борада унга жамоанинг ёш ҳужумчиси Фаррух Шотурсунов рақобатчилик қилди. Жорий мавсумда 10 та гол киритган 21 ёшли ҳужумчига 50 та (23.8%) овоз берилган.

Учинчи поғонани эса жамоа етакчиларидан бири Санъат Шихов 25 (11.9%) овоз билан банд этди. Шунингдек, жорий йил кашфиётларидан бири ёш яримҳимоячи Комил Шарофутдинов 13 (6.2%), тажрибали Сирожиддин Сайфиев эса 12 (5.7%) овоз билан кучли бешликдан ўрин олишди.

Эслатиб ўтамиз, 2012 йил якунларига кўра Иван Нагаев мухлислар томонидан «Динамо»нинг энг яхши футболчиси деб топилган бўлса, бу йилги ғолиб Андрей Мельничук иккинчи поғонада қайд этилганди.

Ссылка :

Источник : fcdinamo.uz

Получайте новости прямо в Telegram!

Рейтинг: