Фарҳод Соҳибжонов: "Кубокда зафар қучишни мақсад қилганмиз"

- Бугунги учрашув ҳақидаги фикрларингиз.

- Барча мухлисларимизни ғалаба билан табриклайман. Бугунги ғалабада мухлисларнинг ҳиссаси жуда катта. Бугун ғалабага лойиқ Ўйин кўрсатдик ва ғалаба қозондик.

- "Андижон" мавсумни ажойиб тарзда бошлаганди, лекин кейинчалик кетма-кет 7 та учрашувда ғалаба қозона олмади. Ушбу нохуш серия айнан "Навбаҳор" қарши учрашувда якунланишига нима сабаб бўлди?

- Аниқ бир сабаб кўрсата олмайман. Менимча, шунчаки омадимиз келмади. Суперлига ҳали бери якунланмайди. Натижаларни яхшилашга вақт етарлича. "Андижон" ҳали ўз сўзини айтмади.

- "Андижон" ўтган мавсум ҳам ўз ўйида "Навбаҳор"ни мағлуб этганди. Водий дербисига алоҳида тайёргарлик кўрилмоқдами?

- Бизнинг мухлисларимиз бор экан, ҳеч қайси жамоадан қўрқмаймиз. Ҳар бир ўй учрашувида ғалаба қозонишга интиламиз.

- "Андижон" кейинги учрашувда "Олимпик"га қарши ўтказади. Кубок доирасида кечадиган баҳс ҳақида фикр билдириб ўтсангиз. "Андижон" кубокда қайси босқичга боришни мақсад қилган?

- Ўзбекистон кубогида чемпионликни мақсад қилганмиз. Яхши ниятимизга яраша ўйин намойиш этишимиз керак.

- Евро-2024ни кузатиб боряпсизми? Қайси терма жамоага мухлислик қиляпсиз? Қайси жамоа чемпионликни қўлга киритади?

- Бундай мусобақани кузатмайдиган футболчи бўлмаса керак. Европа биринчилигида Франция терма жамоасининг имкониятини юқори баҳолайман.