Фарҳод Бекмуротов: “Ҳисоб янада йирик кўриниш олиши ҳам мумкин эди”
20 мар 2016 15:32
Новости

Фарҳод Бекмуротов: “Ҳисоб янада йирик кўриниш олиши ҳам мумкин эди”

Кеча Жиззахда бўлиб ўтган “Зомин” – “Андижон” учрашувидан сўнг меҳмонларнинг иқтидорли футболчиси Фарҳод Бекмуротов ўйин ҳақида қисқача ўз фикрларини билдириб ўтди.

- Бу ўйинга жиддий тайёргарлик кўргандик. Чунки рақиб ҳам ўз мухлислари қаршисида уларни хурсанд қилиш учун астойдил ўйнашлари аниқ эди. Лекин “Андижон” Жиззахга фақата ғалаба учун келганди. Кетма-кет икки мағлубиятдан сўнг ютқазишга ҳаққимиз йўқ эди. Буни барча футболчи яхши тушуниб турганди. Қолаверса мураббийимиз ҳам кейинги босқич йўлланмасини қўлга киритишимиз зарурлигини уқтирди.

- Биринчи лига жамоалари билан ўйнаш элита вакилларига доимо қийин бўлган. Худога шукур, ниятимизга етдик. Энди “Қизилқум” билан ўйинга ҳам астойдил тайёргарлик кўрамиз. Кейинги мақсадимиз ¼ финал босқичига чиқиш.

- “Зомин”ни тажриба ва омад эвазига мағлубиятга учратдик деб ўйлайман. Омадимиз келиб иккита гол урдик. Лекин вазиятлардан тўлиқ фойдалана олганимизда, ҳисоб бундан-да йирик кўриниш олиши ҳам ҳеч гап эмасди, - дейди футболчи.