Фарғонанинг "Нефтчи" клуби Тошкент йиғинини якунлади

12 январдан бошланган йиғинда фарғоналиклар жами 5та назорат учрашувини ўтказди. "Металлург"га қарши кечган баҳсда 3:4 ҳисобида имконият бой берилди. Ўша ўйинда урилган голларни томоша қилмаганлар учун видео.

Сўнгра биринчи лиганинг "Оқ-тепа" клуби билан бўлиб ўтган ўйинда Исмоилов шогирдлари 3:1 ҳисобидаги ғалабага эришди.

"Олмалиқ"қа 0:1 ҳисобида, "Сўғдиёна"га 1:2 ҳисобида имконият бой берилди. Йиғин доирасидаги охирги ўйин "Машъал"га қарши ўтказилди. 28 январь кунги баҳсда муборакликлар 2:0 ҳисобида ғалаба қозонишди.

Жамоа бош мураббийи Мурод Исмоиловнинг айтишича "Нефтчи" яқин орада замонавий академияга эга бўлади (видео). Мавсум бошига қадар жамоага тажрибали ҳимоячилар жалб қилиниши мумкин.

Энди "Нефтчи" 2-10 февраль кунлари Фарғона ҳокими кубоги мусобақасида икки таркиб билан иштирок этади.

Шундан сўнг жамоа 15 февраль куни хорижий йиғин ўтказиш учун Туркияга учиб кетади.