Факт. Ўткир Юсупов 333 дақиқадан буён гол ўтказмаяпти
21 окт 2019 14:40
Новости

Факт. Ўткир Юсупов 333 дақиқадан буён гол ўтказмаяпти

Суперлиганинг 22-турида "Навбаҳор" клуби Термизда "Сурхон" билан 0:0 ҳисобида дуранг ўйнаб қайтди.

Шундай қилиб, "Навбаҳор" посбони Ўткир Юсуповнинг "қуруқ серияси" 333 дақиқага етди.

Юсупов охирги учта ўйинда умуман гол ўтказгани йўқ. Сўнгги марта бу дарвозабон 19-турда "Пахтакор" билан баҳснинг 27-дақиқасида ўз дарвозасидан тўп олиб чиққанди. Ўшандан кейин жами 333 дақиқа давомида ҳеч ким Юсуповни ранжита олгани йўқ.

Таъкидлаш лозимки, 20-турда Жиззахда "Навбаҳор" посбони "Сўғдиёна" футболчисининг 11 метрли жарима тўпидан йўллаган зарбасини қайтаришга эришганди.

Ўткир Юсуповнинг охирги тўртта ўйиндаги "қуруқ серияси":
19-тур
"Навбаҳор" - "Пахтакор" 0:1 (63 дақиқа)

20-тур
"Сўғдиёна" - "Навбаҳор" 0:0 (90 дақиқа)

21-тур
"Навбаҳор" - "Динамо" 1:0 (90 дақиқа)

22-тур
"Сурхон" - "Навбаҳор" 0:0 (90 дақиқа)