FA "Лестер"ни молиявий фэйр-плейни бузганликда гумон қилмоқда

"Лестер" 2013-14 мавсумда Чемпионшип ғолиби бўлиб, Премьер-лигага йўл олган эди. Бундан сўнг Англия Футбол лигаси жамоанинг молиявий фаолиятини ўргана бошлади. Бошқа клублар "Лестер"ни раҳбарият футболчилар маошига жамоа даромадидан (31 млн. фунт) 5 млн. фунт кўп ишлатганида айблашди.

Маълумотларга кўра, 2014 йилнинг январида "Лестер" раҳбарияти Trestellar Ltd компанияси ёрдамида Осиёда клуб брендини оммалаштириш билан шуғулланган. Бу туфайли жамоанинг ҳомийлик фаолиятидан бўлган даромади аввалги йилникидан 11 млн. фунтга ошди ва зарар миқдори камайди. Клуб бу билан молиявий қоидалар борасидаги қоидаларга боғлиқ муаммони ҳал қилди.

Тахминларга кўра, Trestellar компанияси қалбаки, чунки уларнинг на офиси, на веб-сайти ва на телефон рақами бор.