"Эйбар" U-15 жамоаси Тошкентга етиб келди. Бугун матбуот анжумани бўлиб ўтади
13 окт 2018 12:02
Новости

"Эйбар" U-15 жамоаси Тошкентга етиб келди. Бугун матбуот анжумани бўлиб ўтади

Теги : Эйбар

Хабарингиз бор, жорий йилнинг апрель ойида Ўзбекистон Профессионал футбол лигаси Испания Ла лигаси билан икки томонлама яқиндан ҳамкорлик қилиш бўйича келишувга эришганди.

Мазкур ҳамкорлик доирасида, бугун 13 октябрь куни Испания Примеросида иштирок этаётган “Эйбар” клубининг U-15 жамоаси юртимизга ташриф буюрди. Ислом Каримов номидаги "Тошкент Халқаро аэропрти"да "Эйбар" жамоасини бир гуруҳ футбол мухлислари кутиб олишди. 14 октябрь куни Азамат Абдураимов бошчилигидаги Ўзбекистон ўсмирлар терма жамоаси Тошкентда “Эйбар” клубининг U-15 жамоасига қарши ўртоқлик учрашуви ўтказиши режалаштирилган.

Бугун, 13 октябрь соат 14:00да ЎФА матбуот анжуманлари залида “Эйбар” U-15 жамоаси бош мураббийи Антхон Чарола Эскудеро ҳамда Азамат Абдураимов иштирокида ўйинолди матбуот анжумани бўлиб ўтади. Барча турдаги ОАВ вакилларини матбуот анжуманига таклиф этамиз.

Таъкидлаб ўтамиз, Ўзбекистон ўсмирлар терма жамоасининг “Эйбар” U-15 жамоасига қарши баҳси 14 октябрь куни пойтахтимиздаги ТТЙМИ стадионида бўлиб ўтади. Ўйин соат 15:00да старт олади.