Европа Чемпионлар Лигаси. Гуруҳ босқичи рекордлари!
17 дек 2014 19:00
Новости

Европа Чемпионлар Лигаси. Гуруҳ босқичи рекордлари!

Леонел Мессининг рекорд қайд этиши оддий ҳолга айланиб қолди. Лекин, ЕЧЛнинг гуруҳ ўйинларида Луис Адриано, Хави Эрнандес ва Франческо Тотти каби футболчилар томонидан ҳам ўзига ҳос рекорд қайд этилди.

- Месси 6 та ўйинда 8 та гол киритди ва Чемпионлар Лигасидаги голлари сонини 75 тага етказди. Бу унинг ЕЧЛ рекордчиси ҳисобланган Раулдан (71 гол) ўтиб кетиши учун етарли бўлди;

- "Шахтёр" ҳужумчиси Луис Адриано гуруҳ ўйинларида 9 та гол киритиб Роналдунинг рекордини такрорлади;

- "Барселона" футболчиси Хави Эрнандес ЕЧЛда кўп ўйин ўтказиш бўйича рекордчига айланиб олди - 146 та ўйин;

- "Реал" гуруҳ босқичи ўйинларида икки маротаба барча ўйинда ғалаба қозонган илк жамоага айланиб олди;

- 24 та гол ўтказиб юборган БАТЭ энг кўп гол ўтказиб юбориш бўйича антирекордни такрорлади;

- "Манчестер Сити"га гол киритган "Рома" сардори Франческо Тотти турнир тарихида гол урган энг ёши катта футболчига айланиб олди. ЦСКАга қарши ўйинда эса у натижасини яхшилаб олди. Унинг кўрсаткичи 38 ёш 59 кунлик;

- Учинчи турда "Рома"ни 7:1 ҳисобида мағлубиятга учратган "Бавария" уч маротаба 7 та гол киритиб ғалаба қозонган илк жамоага айланди. Бунгача мюнхенликлар 2009 йилда "Спортинг" (7:1), 2011 йилда "Базел"ни (7:1) шунча гол киритиб ютгандилар;

- БАТЭни 7:0 ҳисобида ютган "Шахтёр" биринчи бўлимда олтита гол киритган илк жамоага айланди;

- Учинчи турнинг биринчи кунида умумий ҳисобда жамоалар 40 та гол киритишди.

Азиз Тўхтамуродов тайёрлади

Ссылка :

Источник : championat.asia

Получайте новости прямо в Telegram!

Рейтинг: +1