Европа Чемпионлар Лигаси. Бугунги ўйинлар анонси. Фактлар
18 авг 2015 12:38
Новости

Европа Чемпионлар Лигаси. Бугунги ўйинлар анонси. Фактлар

Бугун Европа Чемпионлар Лигаси сўнгги саралаш босқичида дастлабки ўйинлар бўлиб ўтади. Биз эса ушбу ўйинларга боғлиқ бўлган фактлар билан таништириб чиқамиз.

"Манчестер Юнайтед" - "Брюгге"

МЮнинг бельгиялик футболчилари Аднан Янузай ва Маруан Феллайнилар бугун ўзларининг собиқ жамоаларига қарши ҳаракат қиладилар.

"Брюгге" эса Англияда 11 маротаба меҳмон бўлган бўлса ушбу ўйинларнинг ҳеч қайсисида ғалаба қозона олмаган - 2 дуранг, 9 мағлубият.

"Лацио" - "Байер"

"Лацио" илк маротаба ЕЧЛнинг плей-офф босқичида иштирок этмоқда. Бироқ, улар Европа Лигаси ўйинларининг ушбу босқичида уч маротаба муваффақият қозонишган.

"Байер"нинг Италиядаги кўрсаткичи эса 1 ютуқ, 3 дуранг, 3 мағлубият. Леверкузенликлар Римда икки маротаба дуранг қайд этишган. Шулардан бири 2004 йилда "Рома" билан 1:1, 1999 йилда эса ЕЧЛ гуруҳ босқичида "Лацио"га қарши ўйинда.

"Спортинг" - ЦСКА Москва

Ушбу жамоалар бунгача фақатгина бир маротаба тўқнаш келганлар. 2004/05 йилги мавсумда москваликлар "Спортинг" майдонида УЕФА Кубоги финалида 3:1 ҳисобида ғалаба қозонгандилар.

ЦСКАнинг ЕЧЛ саралашларидаги мағлубиятсиз серияси 9 та ўйиндан бери давом этиб келмоқда. 5 ғалаба, 4 дуранг. Москваликлар бош мураббийи Леонид Слуцкийнинг фикрича, жамоалар ўртасидаги имкониятлар тенг.

БАТЭ - "Партизан"

БАТЭ уч маротаба ушбу босқичда иштирок этган ва бир маротаба ЕЧЛ гуруҳ босқичига йўлланма олишга муваффақ бўлган.

Ушбу ўйин "Партизан" учун ЕЧЛ/Европа Чемпионлари Кубогидаги 100 ўйин ҳисобланади.

"Астана" - АПОЕЛ

Қозоғистон ва Кипр жамоалари еврокубокларда иккинчи маротаба тўқнаш келмоқдалар. 2003/04 йилги мавсумда "Омония" саралаш босқичида "Иртиш"ни мағлубиятга учратиб кейинги босқичга чиққанди.

Бунгача ҳеч қайси қозоқ жамоаси плей-оффнинг ушбу босқичидан нарига ўта олмаган. "Шахтёр" 2013/14 йилда ЕЧЛнинг ушбу босқичида "Селтик"ка ютқазиб қўйиб, Европа Лигасининг гуруҳ босқичига йўл олганди.