Эшитдикда: "Бунёдкор" Кумиковга қизиқиш билдирган, Қосимовга эса...

17 октябрь куни бўлиб ўтадиган Ўзбекистон кубогининг финалида жамоа ғалаба қозона олмаса ва турнир жадвалида "Нефтчи"ни ўзидан ўтказиб юборса, шу ҳолат содир бўлади. Сергей Лушан истеъфога чиқарилгач, жамоанинг ишлари юришмаяпти. Бахтиёр Бобоев қўл остида жамоа кубок финалида қай ҳолатда бўлиши ва натижанинг қандай бўлишини албатта вақт кўрсатади.

Аммо бугунги ўйиндан кейин мухлислар клуб раҳбариятидан хафа эканликларини яшириб ўтирмаяптилар. Эшитишимизча, клуб Виктор Кумиков номзоди билан қизиққан. Мухлислар кутаётган Миржалол Қосимовга эса олий лиганинг бошқа бир жамоаси қизиқиш билдиряпти. Куни кеча бўлиб ўтган "Олмалиқ" - "Шўртан" жамоалари ўртасидаги учрашувга ташриф буюрган Қосимов, унга "Бунёдкор"дан таклиф тушмаганлигини айтган. Бизга маълум бўлишича, мураббийга БАА клубларидан бири ҳам қизиқиш билдирмоқда. Аммо унинг ўзи бироз дам олишни маъқул кўряпти.

Кубок финалидан кейин "Бунёдкор" жамоасига ким бош мураббий бўлиши аниқ бўлиши мумкинлиги тўғрисида гап сўзлар мавжуд. Аммо ҳозирча фақат гап-сўзлар.
Воқеалар ривожини эса кузатамиз...