Эшитдик-да! Ўзбекистон терма жамоаси ҳимоячиси Фаластинга қарши ўйинда жиддий жароҳат олди

Ўзбекистон миллий терма жамоаси бир неча соат аввал Фаластинга (1:0) қарши ёпиқ назорат ўйинида майдонга тушди. Championat.asia маълумотларига кўра, ушбу учрашувда миллий терма жамоамиз ҳимоячиси Ҳусниддин Алиқулов жиддий жароҳат олган. Алиқуловнинг жароҳати бўйича аниқ ташхис ҳозирча маълум эмас.

Маълумот учун, Фаластинга қарши учрашувдаги ягона голни 79-дақиқада Бобир Абдихолиқов ўз ҳисобига ёзиб қўйди. Ушбу голга Шерзод Насруллаев ассистентлик қилди. Учрашув якунига яқин Аббосбек Файзуллаев пенальтини аниқ амалга ошира олмади.

Ўзбекистон миллий терма жамоаси Осиё кубогидаги иштирокини 13 январь куни Сурияга қарши ўйин билан бошлайди. Ушбу учрашув Тошкент вақти билан соат 22:30 да старт олади. Кейинги турларда терма жамоамизга Ҳиндистон ва Австралия терма жамоалари рақиблик қилишади.